Kalitatezco ura
enpresarentzat oso garrantzitsuak dira bai zure osasuna eta bai gure ingurunearena. Bermatzen dizugu zure etxean jasotzen duzun urak lege-eskakizun guztiak betetzen dituela, kontsumo-segurtasunik handiena eskaintzen duela eta kalitate-kontrolik zorrotzenak gainditzen dituela.
Europar Batasunak eta Espainiako legeriak 3/2023 Errege Dekretuaren bidez zehazten dute txorrotako urak izan beharreko kalitatea (3/2023 Errege Dekretua, urtarrilaren 10ekoa, kontsumoko uraren kalitatearen, kontrolaren eta horniduraren inguruko irizpide tekniko-sanitarioak ezartzen dituena). Osasun Agintaritzarekin adostuta, enpresan Kontrol Analitikoko Plan bat garatu dugu. Plan horrek azterketen maiztasuna eta aztertu beharreko parametroak ezartzen ditu, eta ziurtatzen du erabat betetzen dela autonomia-erkidegoko kontsumoko uraren Osasun Zaintzarako Programa.
Uraren kalitatea bermatzeko eta ur hori giza kontsumorako guztiz segurua dela ziurtatzeko, enpresan hainbat analisi eta kontrol egiten ditugu laborategi egiaztatu eta ziurtatuetan, emaitzen fidagarritasunik handiena bermatzeko. Datuak Osasun Ministerioari bidaltzen zaizkio eta Kontsumoko Uren Informazio Nazionalaren Sisteman (SINAC)argitaratzen dira.
Gogoan izan txorrotako uraren kalitatea bermatzeko ardura hainbatek daukatela: Osasun Ministerioak, autonomia-erkidegoetako osasun-agintaritzek, udalek, enpresa hornitzaileak eta barne-instalazioen jabe bakoitzak bere jabetzaren barruan.
